ആകാശത്ത് പൊട്ടിവിരിയുന്ന തീപൂക്കളങ്ങളെക്കാട്ടിക്കൊണ്ട് അച്ചന് പറഞ്ഞു അത് പാവറട്ടിപ്പെരുനാളിന് പൊട്ടിക്കുന്ന അമിട്ടാണ്. അങ്ങിനെയാണ് കുട്ടിക്കാലത്ത് എന്നെ അതിശയിപ്പിച്ച അമിട്ടിനെ തിരിച്ചറിയുന്നത്. ഉയര്‍ന്നുപൊങ്ങി പൊട്ടിവിരിയുന്ന പലവര്‍ണ്ണത്തിലുളള അമിട്ടുകളെ അച്ചനും അമ്മയും ഒപ്പം ഞാനും സഹോദരനായ അഭിലാഷും കണ്ണുചിമ്മാതെ നോക്കിയിരിക്കും.
അച്ചന് പാവറട്ടി തിരുനാള് വലിയ കാര്യമാണ്. നാട്ടിലുളള കാലത്തൊക്കെ അച്ചന് തിരുനാള് കാണാന്‍ പോവും. സെന്‍ട്രല്‍ പി.ഡബ്ളിയു.ഡി. യില്‍ ജീവനക്കായി നാടിന്‍റെ പലഭാഗത്തും ജോലി ചെയ്തിരുന്ന കാലത്തെ സുഹൃത്തുക്കള്‍ പലരേയും അന്നത്തെ തിരുനാള് ഊട്ടിനിടെ അച്ചന് കണ്ട് പരിചയം പുതുക്കുമായിരുന്നു.
1990 മുതല്‍ 2000 വരെ പാടൂരിലെ കല്ലിങ്കല്‍ കുടുംബവീട്ടില്‍ ഉളളപ്പോഴൊക്കെ പൂരവും പെരുന്നാളും നേര്‍ച്ചയും ഒക്കെ തിമിര്‍ത്തുല്ലസിച്ചുതീര്‍ത്തിരുന്ന ബാല്യകാലം ഇന്നും എന്‍റെ മനസ്സിലുണ്ട്. ശ്രീനിവാസന്‍റെ പുതിയ സിനിമയായ 'ചിറകൊടിഞ്ഞ കിനാവുകളില്‍' ശ്രദ്ധേയമായ കഥാപാത്രത്തെ അവതരിപ്പിക്കുന്ന തിരക്കില്‍ നിന്നും പാവറട്ടി വിശേഷത്തോട് തന്‍റെ തിരുനാള് ഓര്‍മ്മകള്‍ റിമ പറഞ്ഞുനിര്‍ത്തി.
Post a Comment
EmoticonClick to see the code!
To insert emoticon you must added at least one space before the code.