അമ്മുക്കുട്ടിയുടെ ദുരിതം കണ്ടറിഞ്ഞ ഗ്രാമപ്പഞ്ചായത്ത് പ്രസിഡന്റ് യു.കെ. ലതിക, വൈസ് പ്രസിഡന്റ് ടി.സി. മോഹനന്‍, വാര്‍ഡ് അംഗം നളിനി ജയന്‍ എന്നിവരുടെ നേതൃത്വത്തിലാണ് താത്കാലിക സൗകര്യമൊരുക്കിയത്.
പാതി ഓലമേഞ്ഞ ഭാഗത്തുനിന്ന് കൂടുതല്‍ ഭാഗം ഷീറ്റ് മേഞ്ഞാണ് താത്കാലിക സൗകര്യമൊരുക്കിയത്. വീട്ടുപകരണങ്ങള്‍ മാറ്റി ആ ഭാഗത്ത് കൂടുതല്‍ സൗകര്യം ഒരുക്കി.
ശുചിമുറിയില്‍ കഴിഞ്ഞിരുന്ന അമ്മുക്കുട്ടിക്ക് ഇനി താത്കാലിക ഷെഡില്‍ കഴിയാം. കിടക്കുന്നതിനായി സഹചാരിയുടെ നേതൃത്വത്തില്‍ കട്ടില്‍ നല്‍കി. മുരളി പെരുനെല്ലി എം.എല്‍.എ.യുടെ നേതൃത്വത്തില്‍ ജനപ്രതിനിധികളും അമ്മുക്കുട്ടിയെ സന്ദര്‍ശിച്ചു.
വീടിന് ചുറ്റുമുള്ള വെള്ളക്കെട്ട് നാട്ടുകാരുടെ നേതൃത്വത്തില്‍ ഒഴിവാക്കി. അമ്മുക്കുട്ടിയുടെ ദുരിതം അറിഞ്ഞ് കോണ്‍ഗ്രസ് വാര്‍ഡ് കമ്മിറ്റി, സന്നദ്ധസംഘടനകള്‍, സുമനസ്സുകള്‍ എന്നിവര്‍ സഹായങ്ങളുമായി എത്തി.
Post a Comment